有別前兩年來參加的學術交流團，只能說是別有一番體會。
23/12 第一日行程
之前問左Marvin借左張poly student卡，同強哥去Poly 電腦室屈蛇。對住個Mon勁辛苦，又裝唔到games。
時間過得超快，零晨四點幾左右就拎番d行李離開Poly，行去旺角麥花臣球場度集合。
深圳寶安機場坐飛機去雲南，需時大約兩個鐘。
西山登龍門，摸龍珠，一求鯉躍龍門。
之後去左一間昆明大型購物商場睇下野，夜晚食雜菌煲，因為服務太過周到，連”筆”湯麵都俾哂d服務員做，好似食殘廢餐咁。
附近又有美食博覽。
秦煌洪七公，問你死未?
夜晚入住錦華國際酒店。
24/12 第二日行程
第二日出發去大理古城，車程需時很久，待在車子差不多三四小時。期間車裡睇戲，十分無聊。
三塔寺，祟聖寺。
牌匾下的橫額有點兒大煞風景。
強
d女仔合個個著哂小數民族服飾影相，佢地著左真係好似少數民族姑娘。
入住酒店係蘭林閣酒店，入面既格局好得意，好有古代風味。
夜 晚行下大理古城，因為今晚係平安夜，古城街上的人好似瘋狂左一樣，手揸住罐噴條噴雪，見人就噴，男噴女，女噴男，我成塊面都中哂d噴雪，最慘就係俾一個高 到去我膝頭哥既小妹妹噴到我條褲濕哂，跟住講聖誕快樂。唉…全團人都頂唔順古城的瘋狂舉動，一早就返番酒店，唯獨我強、Marvin三支公深入不毛， 差不多把整個古城都行云。
返酒店之後睇左d大陸既綜藝電視節目，叫做開心辭典，有d似以人敵百，我再三強調俾Marvin知就係個女主持人髮型好古怪，ger到成隻蟹響個頭上。
25/12 第三日行程
第 三日去睇白族三道茶舞，跟住去雲南民族中學度同d學生交流，聽講話間中學響雲南黎講係數一數二出名的中學，一甫進校園門口見到一個類似會展新翼的建築物就 呆拿左，介紹學校果個姐仔講左好多關於學校既野，原來間學校仲擴建緊，係一間以縣來說被受政府重視的中學，因為係民族中學，校內有很多小數民族。政府好重 視對少數民族的教學，並行一個叫”宏資”的資助計劃，類似政府出錢俾貧窮學生讀書。
我 地先前全團人分左五組，每組有四五人，而我地第三組就有六個人。每一組都要商討一些遊戲同討論題目，我地果組負責玩集體排序的遊戲(25/12當日有兩個 遊戲，一個就我地組負責，另外一個就係Marvin組的大兵操)。玩完之後就同d中學生吹吹水。本身都冇咩準備過討論什麼話題，不過好在d 中學生多野講，又敢問，我又問佢，所以時間過得好快。超煩就事後仲要黎過集體匯報，因為我地果組討論既題目係習俗，而同我吹水條友都唔係本地人、又唔係少 數民族，跟本唔可以講到習俗的資料，好在佢地一開始就介紹一下火把節來源係同南詔滅五詔國有關，如果唔係都唔知講咩。
整體黎講，我對於內 地既學生都存有一定的好感，因為佢地大部分都係d清貧學生，但係好勤力，思想較成熟，加上附近娛樂休閒唔多，冇咩誘惑，讀書就讀書，要讀就要衝出本縣，讀 清華讀北大。我唔會長他人志氣，滅自己威風，大學差唔多讀完出年就畢業，人生一定要訂下一個長遠目標，而我的短期目標係盡量在社會上學習各方面工作，同時 讀有關設計的課程，長遠目標係將歷史同藝術結合，可能最終目標係當個designer。
晏畫就行下大理古城，古城店舖外貌蠻有意思。
大理城內的一所禮拜堂
好齊全的燙髮服務，生化燙即是什麼?
強哥呢日好唔掂當，嘔到入院。
26/12 第四日行程
朝早五點幾起身，吃過早餐就坐車去麗江，車程要成四五個鐘。
去麗江睇黑龍澤公園同東巴文化博物館，相機冇哂電，所以冇影到相。
入麗江桃務客棧。
夜遊麗江古城，欣賞東巴舞蹈。
返番酒店拎番叉完電既相機出去影相
河裡放蓮花燈
影左d相，見到d街上男仕同d著住小數民族服飾的女人對唱。
十點鐘返番酒店，我同Marvin偷偷出去食宵夜，Marvin事先send左sms俾妮兒，之後冇來Fanny就打黎叫我地十二點前返酒店。屌，都唔知邊個係告發者，我懷疑係我親愛的組長。
27/12 第五日行程
朝早再遊麗江，買左d手信。
我夠膽企響”忠義”兩字前面，俾人話我升唔到”中三”
之後去睇玉水寨。
天譴地獄?
晏畫去”睇”驗務農。
之後又坐車返大理。
夜 晚都係遊大理，晚飯之後，同強哥、Marvin去懶人書吧。其實之前都想入去，不過唔夠時間。強哥響大理度留住，無去麗江，佢同團長一齊去懶人書吧度打 躉。懶人書吧格局真係唔錯，坐響到飲一杯8-10蚊既野飲就可以待在那裡一個晚上，甚至一整天。該吧十二時關門，亦算是較晚關門既地方。
懶人書吧格局
<星級廁所
28/12 第六日行程
一 早就坐車去返昆明雲南大學同大學生交流。由大理坐車去昆明要三個鐘左右。甫進校園，先攜帶行李到附近雲大賓館入住，放下行李之後，便到校園的會議室內進行 交流。一入會議室見到對方學生只來了兩個女仔，她們樣子較為成熟，不太像大學生。之後雲大校長等人致辭完之後就走去交流，本身係第三組既我，被調左去第四 組，即係Marvin果組，雲大果邊派的學生數目唔夠，所以唔能夠一對一形式交流。我地組交流的就係先來會議室的那兩個女仔。兩個都叫阿璇，一個和璇，另 一個叫趙璇，姓和果個係雲南納西人，研究生，幾靚女，係公共管理檔案專業，讀少數民族的東巴文。佢地兩個就介紹有關東巴文化和歷史。
交流 完之後就參觀一下校園周邊的建設，跟住就同d當地大學生共進晚餐。共進晚餐的時候我又返回自己組，那時我才知道，跟我們組交流的男仔頗受我地團既女仔歡 迎，而人仔鬼大，古靈精怪，識好多星相風水既堅仔(唔係我，係另一個叫堅既中學生)，話佢一副泡女相。呢個男仔讀Law，都幾多野講，我又同下佢吹下水， 講下佢地果邊兼職、上網睇劇集既情況。
夜晚的”送”菜
用 餐過後，我地走去一個活動室一齊聯歡。我地搵左團秘書長阿旺做司儀，佢勁搞笑，用d唔咸唔淡既普通話同當地大學生司儀溝通，製造左好多笑話，好似用普通話 講”我來揸主意”、”浪花一朵朵”講左”蘭花一朵朵”、”你們興不興郭富城”、”蒙面超人”講左”夢幻超人”。當地大學生認真俾面，表演跳舞，首先出黎既 係一個好似周迅的女仔出黎叫勁舞，令人嘆為觀止，之後就三個女仔出黎叫扇舞，之後搵左對男女跳現代芭蕾舞。表演完，我地就開始一齊唱歌，再玩 changing partner。
跟住就交換禮物，我同Marvin組既宇烽講我要送和璇禮物。當時大會先叫當地大學生合眼蹲在地上，而我就靜靜地將份禮物放響佢側邊。
事後我同佢講份禮物係我送，佢居然話知道。噢~
雖然同佢認識短暫，不過都希望可以同到佢keep contact。
回酒店之後同堅、一班女仔出去唱K，唱到兩點幾，而每人唱左都係廿四蚊，十分抵。
29/12 第七日行程
第一個景點係石林，睇下D一木嶙峋怪石。
<FF黑魔導士??
晏晝去七彩雲南到購物，買手信。
食過橋米線。
夜晚又唱通宵K。
30/12 第八日行程
話咁快就最後一日，真係過得快。朝早去金雞廣場，睇過普通牌坊，That’s all。
跟住去海鷗公園睇d海鷗。最後一個景點就係大觀樓。
隻海鷗好得意呀
kinyeah's blog 