哈哈～終於得償所願，一睹ｌｉｎｋｉｎ ｐａｒｋ的風采。
下午三點幾左右，我已經約好左杉爺、巴傑、亭峰o係大埔火車站出發。
四點幾到去到會展打躉，挫下啤。到左六點幾走出去食野，嘩！差ｄ趕唔切入去，拿拿林跑番入條ｌｉｎｅ進場。我地企響ｒｅｄ ｚｏｎｅ 第一排，即係欄柵前面。初初以為今次演唱會反應一般，入場既人並唔係想像既咁多。就係咁七點幾已經企左o係欄柵樹等show，一面聽會場播既歌，可惜大多都未曾聽過（只有Dr. Dre一首叫做聽過下）
八點幾先叫做「開始」，有個粗框四眼光頭肥佬（應該係亞洲人，係司儀）就話開始，跟住就走出一隊韓國ｂａｎｄ出黎，唱左四五首歌，ａｎｙｗａｙ佢笨唔係今晚既主角，而且都唔知佢唱咩，擺明係度攝時間。隊野ｄ風格幾似ｋｏｒｎ。呢隊既野唱完之後，我地等左成個幾鐘，會場又係播歌攝時間。ｄ人等到唔耐煩，爭先恐後，彬爺左邊有五六個鬼仔，推黎推去，就連前面既我都被推擁到好唔自在。千呼萬喚之下 ，ｌｉｎｋｉｎ ｐａｒｋ先o係九點幾鐘出現（期間就響度ｓｅｔ鼓 ｓｅｔ檯同埋拉ｌｉｎｋｉｎ ｐａｒｋ個ｂｇ出黎）。
一出黎，只見ｃｈｅｓｔｅｒ轉左新髮型，整左個ｕｎｄｅｒｃｕｔ，都幾好睇，好睇過之前個雀巢頭。一開波就唱don’t say，跟住都唔係太記得佢地唱既歌曲次序，不過就記得佢地唱左somewhere I belong, papercut, lying from you, from the inside, a place for my head, point of authority, runaway, breaking the habit, numb, faint, nobody’s listening, with you, in the end, crawling, step up, it’s going down, one step closer，係咁上下，有ｄ可能我 ｓｋｉｐ左，唔記得。阿ｍｉｋｅ成為樂隊中的主角，佢好親民，訓落去 ９８８前排既人堆度，同ｄ ｆａｎｓ握手；相反，ｃｈｅｓｔｅｒ好似做配角，只係一味唱，啊！我都見到佢o係其中一首歌彈結他。而ｍｉｋｅ 就唱唱下坐低彈琴，初初估佢唱ｎｕｍｂ，點知原來係唱ｂｒｅａｋｉｎｇｔｈｅ ｈａｂｉｔ，之後先再唱ｎｕｍｂ。
小弟都跟住ｌｉｎｋｉｎ ｐａｒｋ唱，全場咆哮，聲嘶力竭，好鬼過癮，完全係發洩既最佳途徑。不過就真係有ｄ辛苦啦，事關我左邊巴傑，大大份，右邊個女仔又係咁推過黎，可能係個女仔果邊ｄ人推得好犀利。我就慘變三文治，動彈不得。之後巴傑、彬爺同埋巴傑個朋友都話我隔離個女仔幾得唔錯喎，可惜我只係掛住睇ｓｈｏｗ無望多幾眼，唉．．．最好笑就o係呢個 show run左冇耐，唔知ｄ燈光係咪太激，變化又大，加上後面ｄ人焗住哂，我居然左眼勁標眼水，好鬼死惡頂，而巴傑仲好似，睇睇下趺左副眼鏡出去欄杆出面，緊係即刻叫工作人員執番啦！
散場之後，亭峰同巴傑另一個朋友就走去拎番部相機，我同彬爺，巴傑走去賣Ｔｅｅ既攤檔仔八下，竟然所有男裝ｔｅｅ已經賣哂，得番ｄ女裝ｔｅｅ。離開會展，去左７仔買野飲，果度附近原來拍緊戲，呢個就係我地去７仔既緣故。好生失望，本以為係ｄ咩大明星拍戲，原來係容祖兒，佢真人好鬼死肥，著住件警察制服，遠睇得出佢身形一般，未知佢係容祖兒時，仲以為係ｄ甘草演員，又或者係ｄ跑龍套。
結果成點鐘先返到屋企。今次ｌｉｎｋｉｎ ｐａｒｋ既live concert整體黎講，就真係SO SO。因為要等太耐，遲遲未出，攪到我地經已無哂癮，不過 ｌｉｎｋｉｎ ｐａｒｋ一出先能夠緩和番個氣氛。如果要將個ｓｈｏｗ評分，我只會俾７／１０啦！
唉～我都要問番彬爺，叫佢ｓｅｎｄ番映過既相（巴傑偷偷地帶彬爺部相機入去映） 到依家我仲係俾ｄ強勁既音響攪到耳鳴，喉嚨有ｄ唔舒服（６月１８號既我）
kinyeah's blog 