終於返來香港嚕~
今次北京之旅真係學識左好多野。一去就去左成十日，呢段日子真係令我好難忘，既有喜亦有悲，有怒亦有樂。
───────────────────────────────────
《北京之旅》
第一日(25/7/2004)
我地四條友仔朝早去左羅湖等搭深圳火車去北京。時間早早地，我地走左上去酒樓飲茶，嘩，呢度Ｄ點心都幾昂貴，叉燒飽居然係中點，燒賣係特點！！冇辦法啦，都係打下凳，飲多杯茶吧。
入到去深圳火車站候車室，真係有ｄ窒息既感覺。坐上火車 之後，以為車內環境都唔錯，但係．．．
我地坐左幾個鐘車，打機打到有ｄ悶於是鋤下ｄ，嘩！真係 好ｑ惡頂，ｄ人又食煙又吐痰，衛生程度勁差。我地坐果架火車停左好多站，沿途我地落站買飯食，ｄ飯好平．．．但係好鬼死咸好鬼死辣。
到左半夜我地見到Ｄ好攪笑既野．．．．
《真正的硬臥》
我地買既係硬座，所以應該係冇座位，但係呢位人兄好似係買企位，所以．．．．．．
《自甘墮落的男人》
呢位人兄都係冇位坐，所以訓響個洗手盤度，佢起番身 果陣，個ＰＡＴ係濕哂，非常惹笑～
坐呢一架車真係好要命，成三十個鐘，煙霧迷漫，攪到我隻眼好辛苦，好撚惡頂，祖國既同胞個個都係華山高手，滿車飛劍，再用鞋擦幾擦Ｄ飛劍。我地見到呢Ｄ事情，由憎恨變做厭惡 ，再由厭惡變做麻木．．．．
────────────
第二日(26/7/2004)
等左好耐，究竟到站未呀，我不斷咁吟。結果要去到四點幾先 到北京，原本到左北京西站，我同阿健諗住即刻買定去九龍既 車飛，但係太晏，同埋太多人，於是就去搭出租車去愛華賓館 “下榻”。
去到愛華賓館之後，我地去左附近的美食大王度食野，我食左 個宮爆雞丁，非常之辣！我同阿健就因為坐長途車太累，六點 幾就返上去賓館休息。而屎強同大佬Ｂ就周圍行下。
到左夜晚八九點，屎強ＣＡＬＬ醒我地帶我地周圍行下，結果就由東側門行去王府井大街，行左兩個幾鐘，大街上面既店舖 陸陸續續閉門，原來北京人係早睡早起架。唉．．．結果行左 幾個鐘，又要坐番出租車返賓館。
好唔老泥，咁Ｑ晏先去到賓館～即刻影番張相
─────────────
第三日(27/7/2004)
呢一日真係有少少激氣，畢竟第一次自己黎北京。去左當 地一Ｄ一日團旅遊。
去左明十三陵既長陵，垂關長城。
屌，呢一日先知道成個行程都係俾坤左。後黎都係同遊一路既人爹下先知。之後又去多次王府井大街，食天蠍串，食羊肉串，咩人爆 左肚。
呢一日真係有Ｄ唔多高興。
─────────────
第四日（28/7/2004）
呢一我地聽左遊一路職員ＢＯＯＫ左架私家車去其他地方。首先 去左唔知咩咩門（唔記得嚕～）睇下Ｄ皮貅。阿健請左一隻 （唔係買！） 跟住就去左海底世界，鳩行左一個鐘。
之後搭船去左頤和園，嘩頤和園真係好靚，映左好多相。
《樹蔭下乘涼的我》
《荷塘前的兇相》
《站在頤和園最高點》
嘻嘻～入到去頤和園先覺得今次的旅程有Ｄ開心，我同健兩個 行，屎強同大佬Ｂ同我地分開走。我同健行哂成個頤和園咁滯 （起碼ｏ係果度兜左成個圈）。之後，嘻嘻，首先我搵左個外國女人同我地一齊映相，之後又搵左另一個靚女同我一齊映相。
去完頤和園就搭公車去西單。居然同屎強，大佬ｂ相逢在西單 ｓｈｏｐｐｉｎｇ ｍａｌｌ，於是又一齊行囉！
─────────────
第五日 (29/7/2004)
呢一日朝早諗住去天安門廣場睇升旗禮，但係遲左起身=.=” 去唔到啦，之後就搭左的士去人民英雄紀念碑果度行下。去度果到緊係去埋毛主席紀念堂啦，但係我地去到都十一點， 而老毛果度係十點半之後就關閉=.=”
冇計啦，惟有o係附近行下，學下d公安步操啦，正想o係毛主 席紀念堂門口既石像影相既時候，見到兩個女仔，其中一個真係好靚，於是我大膽上前同佢影相。之後就行到去好似叫正陽門既城門下面影獅子，果兩個女仔又行埋過黎，我同阿健同佢地傾下偈就識左啦，佢地之後話要去故宮，亦都係我地想去既地方。
至於屎強同李彥章就唔同我地一齊，佢地幾識趣丫~
我地四個人就行去故宮，但係當然無啦啦又落好大雨，o係行人隧道既時候，阿佳(靚果個女仔)就同我講快d 跑出去，事關佢地有帶傘，於是我就狼狽跑到故宮門口。
我地四個人入到去正門避下雨啦，雨愈落愈大，於是我同佳講我地不如分段行，阿健首先帶阿迪走，我同佳就傾下偈，完來佢係寧夏女仔，讀緊大二嚕~
去到回音壁既時候，佳同迪原來仲未食野，於是我地就等埋地。 到左中午既時候，雨停天空放晴，黎左北京咁多日，最好天就係嗰日，有藍天白雲。我地四個就繼續行，行到四五點左右，我地四人搭公車去王府井大街，本來我諗住叫阿佳食蠍子，但係佢始終都係女仔，無買黎食。
我就買左個茶湯，食完真係好滯。
之後一齊行下街邊既店舖，又去到麥當奴坐低一陣，我教兩個女 仔唸廣東話既數字，嘩！佢地唸得有d 攪笑呀，阿迪就唸得幾好。
一直咁行，陪佢地行到天安門出邊就分手嚕。
一日真係勁正，識到兩個女仔。就因為今次係自遊行，先能夠有呢d機會去結識唔同地方既朋友。
────────────
第六日 (30/7/2004)
朝早退房。
本來今日應該去北京西站搭京九鐵路。但係我同阿健黎遲左，即刻方寸大亂。好彩大約點零鐘，我上番去購票處更改車票日期。
1號先可以走得，又要o係北京踎多幾日。
我同健搭的士返愛華賓館，因為已經諗唔到其他平價而且熟路既酒店。去到之後，我同lobby個男仔講多住兩日。而佢又問番我地另外兩個去左邊?我就話佢地去左另外既賓館。
呢兩日我都唔諗住周圍去囉~
─────────────
第七日 (31/7/2004)
就因為去天壇而攪到我地遲左班車。
既然噚日去唔成，今日再去過！
入左去行下，行左兩個幾鐘，冇咩野行就走左嚕。
又返番賓館訓下覺，到左六七點既時候，落左去樓下間菜館食野。
食完之後諗住又去便利店補給，估唔到o係菜館出面撞到屎強同大佬b，狹路相逢!!
原來屎強30號退房之後去左前門果邊既賓館住，冇水既關係，又再返番黎愛華賓館住。可能係我地早左到愛華賓館，又同個男仔講屎強佢地去左另外既賓館，當屎強今日返番黎既時候，lobby個男仔對住佢地勁笑。
哈哈~
佢地雖然有vip卡o係手，我地最初入住既時候係168蚊一日(雙人房，冇窗口，C標準房)，三十號入住既時候係170蚊一日(雙人房，但係有窗口，B標準房，level係高左d架)；而屎強最初都係168蚊，退房拎左張VIP卡，三十號入住既時候係120蚊一日，房間冇變， 冇窗口，C標準房。
呵呵~最搞笑就係B標準房原價係240蚊，你話邊個抵D啦?
======================================
http://hk.pg.photos.yahoo.com/ph/tanghookin2002/album?.dir=2060
自己慢慢睇啦
kinyeah's blog 